DOM

Svestrana namirnica: Nećete vjerovati kakve moći ima soda bikarbona.

Olakšava zubobolju i želučane probleme, ali i gasi vatru i čisti akumulator.

Soda bikarbona jedno je od onih svestranih pomagala koje svi imaju, a da nisu uopšte svjesni kako ga sve mogu iskoristiti.

Neka vam omlet bude ‘mekši’

Isti sastojak koji utiče na ‘dizanje’ kolača i hleba može pomoći da dobijete lakši, mekši omlet. Na svaka tri jaja dodajte pola kašičice sode bikarbone i lagano je umiješajte.

Smanjuje nadutost nastalu nakon pasulja

Ako volite pasulj, no mrzite pritisak i nadutost koji se često javljaju nakon njega, soda bikarbona bi vam mogla pomoći da se riješite tog problema. Kad stavite pasulj da se namoči, na litru vode dodajte oko 1/16 kašičice sode bikarbone. Isto možete učiniti i s pasuljem iz konzerve – samo dodajte malo sode bikarbone u tečnost u kojoj je konzerviran pasulj i pustite da odstoji nekoliko sati. No prije pripreme pasulja, svakako ga dobro isperite.

Smirite želudac

Ako nemate nikakvo drugo sredstvo pri ruci, pomiješajte pola kašičice sode bikarbone s pola čaše vode i popijte tu mješavinu. Kratkoročno ćete riješiti problem, no moguće je da ćete morati da ponavljate ovo svaka četiri sata, pa dugoročno i nije neko rješenje.

Očistite akumulator u autu

Ako uočite da je vaš akumulator prekriven bijelim slojem, sigurno se nećete razveseliti. No postoji brzo rješenje. To je sumporna kiselina koja može oštetiti vašu kožu, pa je bitno da je se riješite na odgovarajući način. Nanesite malo sode bikarbone po djelovima akumulatora gdje je izašla kiselina. Ako vidite mjehuriće, čekajte da oni nestanu. Obavezno nosite zaštitne rukavice i naočare, te ostatak kiseline ostružite sa starom vlažnom četkicom za zube i obrišite ikakvu preostalu tečnost s krpicom koju nakon korištenja obavezno bacite.

Ugasite vatru

Ako pri ruci nemate vode ni aparat za gašenje požara, dobro će doći i soda bikarbona. Samo na plamen bacite što više sode bikarbone, no pripazite jer ćete vjerovatno imati dovoljnu količinu za mali plamen, pa bi ovo trebala biti vaša posljednja opcija.

Ublažite svrbež kože

Neki dermatolozi tvrde da soda bikarbona može sjajno djelovati kod osoba koje se muče s ekcemima, suvom kožom punom pukotina ili kod onih koje muče opekotine od sunca. Samo dodajte dvije šake sode bikarbone u kupku i okupajte se u njoj.

Riješite se tamne boje sa srebrnine

Postoji milion starinskih savjeta kako se riješiti tamne boje sa srebrnine, no ovu teoriju je potvrdila i nauka. Neku posudu obložite s aluminijskom folijom i u nju dodajte srebrninu. U drugoj posudi zagrijte vodu do ključanja te dodajte šoljicu sode bikarbone na svake četiri litre vode. Zatim prelijte kompletno srebrninu s tom mješavinom i pričekajte. Zavisno o tome koliko je srebrnina potamnila, moguće je da ćete trebati ponavljati postupak!

Ublažite zubobolju

Ako ne možete brzo doći do stomatologa, pomiješajte sodu bikarbonu u šoljici tople vode. Zatim vatu namočite u toj tečnosti i nanesite na bolno mjesto. No pripazite, jer iako će se bol smanjiti, ipak biste trebali zakazati termin kod zubara prije nego se ponovo javi.

Napravite kupku punu mjehurića

Ako želite osjećaj kao da ste došli na spa tretman, pomiješajte sodu bikarbonu, limunsku kiselinu i omiljeno eterično ulje u svoju kupku. Zagarantovano vam je sjajno iskustvo!

Osvježite kosu nakon vježbanja

Ako vam se ikad dogodilo da nakon vježbanja morate skočiti do trgovine ili želite s prijateljicom na kafu, cijenićete ovaj savjet. Sve što trebate učiniti jeste glavu nagnuti prema dolje i nanijeti malo sode bikarbone na ruke. Ravnomjerno nanesite sodu na kosu, te je četkajte sve dok se ne bude vidjelo nimalo sode.

Izvor: net.hr